Latest Marathi News Updates

…तर हिंदू राज्यात तांडव करतील! फिल्म काश्मीर फाईल्स वरून राज्य सरकार आणि भाजप मध्ये जुंपली 

…तर हिंदू राज्यात तांडव करतील! फिल्म काश्मीर फाईल्स वरून राज्य सरकार आणि भाजप मध्ये जुंपली

मुंबई. काश्मीर पंडित आणि काश्मीरची परिस्थिती सांगणाऱ्या ‘द काश्मीर फाइल्स’ या हिंदी चित्रपटाच्या निमित्ताने महाराष्ट्र सरकार आणि विरोधक पुन्हा एकदा आमने-सामने आले आहेत. केंद्र सरकारने या चित्रपटावरील जीएसटी हटवावा, अशी मागणी राज्य सरकारने केली आहे, तर दुसरीकडे विरोधकांनी राज्य सरकारकडे चित्रपट करमुक्त करण्याची मागणी केली आहे.

जर महाराष्ट्र सरकार चित्रपटावरील कर हटवण्याच्या मनस्थितीत नसेल, तर इतर राज्यांप्रमाणे महाराष्ट्रातही चित्रपट करमुक्त घोषित करा, अशी मागणी भाजप नेत्यांनी सरकारकडे केली आहे.

केंद्र सरकारने चित्रपटावरील जीएसटी हटवल्यास संपूर्ण देशाला हा चित्रपट सहज पाहता येईल, असे मत महाराष्ट्राचे उपमुख्यमंत्री आणि राष्ट्रवादीचे नेते अजित पवार यांनी व्यक्त केले आहे. काश्मीरपासून कन्याकुमारीपर्यंतच्या लोकांना फायदा होईल, असे ते म्हणाले. महाराष्ट्रात सुरू असलेल्या अधिवेशनात अजित पवार यांनी ही माहिती दिली.

अजित पवार यांच्या या वक्तव्यावर भाजप नेते व आमदार राम कदम म्हणाले की, “महाराष्ट्र सरकार द काश्मीर फाइल्स हा हिंदी चित्रपट करमुक्त करत नाही, सत्तेच्या लालसेपोटी शिवसेना असे पाऊल उचलत आहे, ती हिंदूंच्या वेदना विसरली आहे का? असा सवाल आम्ही करत आहोत. हा चित्रपट करमुक्त करण्यासाठी आपण सर्वजण सरकारवर दबाव आणू… अन्यथा हिंदू राज्यात तांडव करतील।”

दरम्यान, मध्य प्रदेश, उत्तर प्रदेश, कर्नाटक, गुजरात आणि हरियाणा या भाजपशासित राज्यांमध्येही काश्मीर फाइल्स फिल्म करमुक्त झाला आहे.  या चित्रपटात अनुपम खेर, मिथुन चक्रवर्ती, दर्शन कुमार, पल्लवी जोशी आणि चिन्मय मांडलेकर यांच्या प्रमुख भूमिका आहेत. हा चित्रपट 90 च्या दशकात काश्मिरी पंडित, हिंदूंच्या हत्याकांडाची आणि पलायनाची कथा आहे.

Leave a Reply